Asambleja e Përgjithshme e OKB-së nesër do të votojë për rezolutën që shpall 11 korrikun Ditën Ndërkombëtare të Përkujtimit të Gjenocidit në Srebrenicë dhe dënon mohimin e gjenocidit dhe glorifikimin e kriminelëve të luftës.
Projekt-rezoluta për Ditën Ndërkombëtare të Kujtimit dhe Përkujtimit të Gjenocidit të Srebrenicës është përfshirë në agjendën e takimit të 82-të plenar nën pikën Kultura e Paqes në orën 16:00 CET.
Rezoluta u propozua nga Gjermania dhe Ruanda dhe u sponsorizua nga 38 vende, duke përfshirë Maqedoninë dhe të gjitha ish-republikat jugosllave, me përjashtim të Malit të Zi, i cili megjithatë paralajmëroi mbështetjen e tij.
“Përveç propozuesve Gjermania dhe Ruanda, sponsorët e rezolutës janë: Shqipëria, Andorra, Australia, Austria, Bangladeshi, Belgjika, Bosnja dhe Hercegovina, Bullgaria, Kili, Danimarka, Estonia, Finlanda, Franca, Holanda, Kroacia, Irlanda, Islanda, Italia, Jordania, Kanadaja, Lihtenshtajni, Lituania, Luksemburgu, Malajzia, Ishujt Marshall, Mikronezia, Norvegjia, Zelanda e Re, Polonia, SHBA, Maqedonia e Veriut, Sllovenia, Suedia, Turqia, Britania e Madhe dhe Vanuatu”, thuhet në draft dokument.
Në Projekt-rezolutën theksohen vendimet e Gjykatës Penale Ndërkombëtare për ish-Jugosllavinë në Hagë dhe Gjykatës Ndërkombëtare të Drejtësisë, të cilat e karakterizuan krimin në Srebrenicë si gjenocid./Telegrafi/
Maqedonia e Veriut në mesin e 38 vendeve bashkësponsor për rezolutën e gjenocidit në Srebrenicë appeared first on Telegrafi.
