Një fiasko totale e politikave të Mickoskit dhe OBRM-PDUKM-së në ekonomi, çmimet vazhdojnë të rriten, qytetarët kanë gjithnjë e më pak para dhe mezi ia dalin me bukën e gojës masat me një lloj “shporte” kanë pësuar debakël. Në vend të uljes ka pasur rritje të çmimeve të ushqimeve dhe produkteve bazë, sepse qeveria u ka lënë kohë dhe hapësirë tregtarëve që t’i rrisin ato, thonë nga LSDM.
“Qytetarët u detyruan të organizohen dhe të ngrenë zërin kundër çmimeve të larta dhe rritjeve të mëdha të çmimeve përmes bojkotit të tregjeve. Dhe në vend që menjëherë të marrë masa dhe të ulë çmimet, qeveria e Mickoskit po i lë gjërat ashtu siç janë, duke mos bërë asgjë për uljen e çmimeve. Qytetarët kanë mbetur vetëm.
Mickoski thotë se do të shqyrtojnë, do të bëjnë analiza dhe do të paraqesin diçka në seancën e ardhshme të qeverisë. Personi që shpenzon më shumë se një pagë minimale për një reklamë të vetme në Facebook, po luan lojëra me njerëzit që paguajnë më shumë çdo ditë dhe kanë më pak. Pra, kanë kaluar tetë muaj, a do ta mendojë akoma Mickoski? Nuk premtuat se do të uleshin çmimet? Këtu çmimet nuk u ulën, u rritën, doli në dritë paaftësia.
Qeveria ka një buxhet prej gjashtë miliardë eurosh. Pse të mos rrisim vetëm pagat? Çfarë po pret? Përgjigja është e thjeshtë, politikat e Mickoskit kanë për qëllim mbrojtjen e interesave të biznesmenëve të mëdhenj dhe të elitës, ndërsa qytetarët janë lënë në duart e tyre. Sa herë që OBRM-PDUKM është në pushtet, rritet pasiguria ekonomike e familjeve, populli ka gjithnjë e më pak para dhe vetëm disa në krye të qeverisë pasurohen”, thonë nga LSDM./Telegrafi/
LSDM: Me OBRM-PDUKM-në në pushtet çmimet vazhdojnë të rriten, qytetarët kanë gjithnjë e më pak para appeared first on Telegrafi.