Ende nuk ka kaluar viti i parë i mandatit të qeverisë së re dhe tashmë për qytetarët është bërë e qartë se qeveria e OBRM-PDUKM-së, ZNAM-it dhe VLEN-it është qeveria më e keqe dhe më jofunksionale që kemi pasur ndonjëherë, thotë zëdhënësja e LSDM-së, Bogdanka Kuzeska.
“Ndërsa i gjithë sistemi po shembet dalëngadalë, ata po e helmojnë publikun me mosmarrëveshje brenda koalicionit. Në vend që të bëjnë diçka për programin, mediat janë plot me mosmarrëveshjet e tyre partiake.
Është e qartë se përveç që janë të paaftë për të udhëhequr vendin, janë të paaftë edhe për të rënë dakord brenda Qeverisë se si të ndajnë tenderët, prandaj edhe po grinden. Njerëzit shikojnë sesi qeveria lufton me veten, ndërsa vendi fundoset. Nuk ka institucione funksionale. Në shëndetësi kaos, ekonomia po fundoset, zbatimi i projekteve është zero, pagat po ngecin dhe as ekzistueset nuk po paguhen. Vendi nuk ka qenë kurrë në një kaos kaq të plotë.
Qytetarët presin prej kohësh diçka konkrete që do të bëhet në interes të tyre. Fakti që ju shqetësoheni vetëm për veten tuaj, vërteton qartë se kjo Qeveri është krejtësisht e paaftë. Kjo është qartë e dukshme edhe nga një aeroplan. Përveç se kush sa ka marrë, si janë ndarë funksionet, si kanë dështuar tenderët për parkingun në Spitalin Klinik, e të ngjashme, nuk keni çfarë të ofroni”, tha Kuzeska.
Kuzeska: I gjithë sistemi po shembet derisa OBRM-PDUKM, ZNAM dhe VLEN debatojnë në mes vete appeared first on Telegrafi.
