Pas tetë ditësh pa furnizim të qëndrueshëm me ujë të pijshëm, qytetarët e Kumanovës më në fund mund të marrin një frymë lehtësuese. Agjencia e Ushqimit dhe Veterinarisë ka njoftuar se uji nga Ujësjellësi i Kumanovës, “Vodovod”, është tani i sigurt për konsum. Ky vendim erdhi pas analizave të fundit të kryera më 25, 26 dhe 27 maj, të cilat treguan rezultate të kënaqshme në aspektin fizik, kimik dhe bakteriologjik.
Një periudhë e vështirë përfundoi për qytetin e Kumanovës, ku një stuhia e madhe më 21 maj shkaktoi turbullirë të shtuar në ujin e rezervuarëve të Likovës dhe Gllazhnjës, duke detyruar mbylljen e tubacioneve të furnizimit për të shmangur dëme të mëtejshme. Si rezultat, qytetarët u përballën me një mungesë të madhe të ujit të pijshëm, duke shkaktuar vështirësi në përditshmëri, veçanërisht për grupet më të ndjeshme si të moshuarit dhe fëmijët.
Falë përpjekjeve të ndërmarrjes “Vodovod” dhe stafit të Qendrës së Shëndetit Publik të Kumanovës, gjithçka u rregullua brenda disa ditësh. Sipas Drejtorit të PK “Vodovod”, Oliver Stojamanovski, ujin e Kumanovës tashmë mund të përdoret pa frikë për pije dhe çdo përdorim tjetër shtëpiak.
Ndërkohë, autoritetet dhe stafi mjekësor falënderuan qytetarët për durimin dhe bashkëpunimin gjatë kësaj periudhe të vështirë, duke theksuar se është një dëshmi e shkëlqyer e solidaritetit dhe përkushtimit të komunitetit për të tejkaluar sfidat.
Mjekja specialiste Blerta Shaini Azizi konfirmoi sigurinë e ujit dhe tha se rezultatet e testimeve korrespondojnë plotësisht me rregulloret ligjore dhe profesionale në lidhje me sigurinë e ujit të pijshëm.
Kumanova rivendoset furnizim me ujë të pijshëm pas tetë ditësh appeared first on Telegrafi.
