![Kovaçevski-Taravari: Maqedonia nuk ka alternativë përveç anëtarësimit në BE Kovaçevski-Taravari: Maqedonia nuk ka alternativë përveç anëtarësimit në BE](https://telegrafi.com/wp-content/uploads/2024/02/Arben-Taravari_26-780x446-1-380x233.jpg)
Kryetari i LSDM-së, Dimitar Kovaçevski sot ka realizuar takim me kryetarin e Aleancës për Shqiptarët, Arben Taravarin në të cilën biseduan për anëtarësimin e vendit në BE dhe zbatimin e programit të Qeverisë, shkruan Telegrafi Maqedoni.
“Në takimin e sotëm me liderin e Aleancës për Shqiptarët, Arben Taravari, në selinë e LSDM-së, biseduam për zbatimin e programit të Qeverisë, dinamikën e punës në periudhën e ardhshme, si dhe për politikat që nënkuptojnë përmbushjen e synimi strategjik i anëtarësimit në BE dhe partneriteti me Shtetet e Bashkuara.
Synimet tona të përbashkëta, mbi të cilat po punojmë me përkushtim si politikanë dhe partnerë koalicioni, janë vazhdimi i rrugës evropiane drejt anëtarësimit të plotë në BE dhe forcimi i partneritetit strategjik me Shtetet e Bashkuara.
Është obligim për të gjithë qytetarët dhe për të ardhmen e vendit sepse Maqedonia e Veriut nuk ka alternativë përveç rrugës evropiane”, njofton Kovaçevski përmes profilit të tij në Facebook./Telegrafi/
Kovaçevski-Taravari: Maqedonia nuk ka alternativë përveç anëtarësimit në BE appeared first on Telegrafi.