Nëse Arben Taravari mbetet në qëndrimin se nuk është i interesuar të jetë kandidat për president të vendit, atëherë atë garë, për koalicionin e partive opozitare të shqiptarëve, do ta drejtojë Bilall Kasami. Këtë e tregon personalisht në një intervistë për “360 gradë” në MRT 1, kreu i Lëvizjes Besa, Kasami.
Mirëpo, Kasami pohon se biseda me Taravarin për këtë temë nuk ka përfunduar.
“Taravari tha se nuk është i interesuar, por nuk po diskutojmë për interesa personale, pretendime personale, por po diskutojmë interesin e shqiptarëve për të sjellë ndryshim. Nëse së bashku vlerësojmë që Taravari do të jetë kandidati më i mirë për presidencën, besoj plotësisht se Taravari do të jetë gati për të udhëhequr këtë garë, aq më tepër që në të gjitha bisedat që kemi pasur, të gjitha konsultimet, ai është theksuar si një kandidat serioz për të shkoni në raundin e dytë”, thotë kreu i Lëvizjes Besa.
Vendimi se kush do të jetë kandidati presidencial varet edhe nga kush do të kryesojë listën parlamentare të “Lidhja Evropiane për Ndryshim” në Njësinë Zgjedhore 6.
“Nëse Taravari është kandidat për kreun e shtetit, atëherë Kasami do të jetë bartës i listës dhe anasjelltas”, thotë Kasami.
Sipas marrëveshjes në parim, bartës i listës së LEN-së në Njësinë Zgjedhore 1 do të jetë Izet Mexhiti, ndërsa në Njësinë Zgjedhore 2 – Afrim Gashi. Përfaqësuesi i Vetëvendosjes, Bekim Qoku, edhe pse është nga Struga, do të jetë në listën e LEN-së në njësinë e gjashtë zgjedhore.
Kasami: Nëse Taravari nuk dëshiron të jetë kandidat për president, unë do të jem appeared first on Telegrafi.
