MPB njofton se Departamenti për Luftën e Krimit të Organizuar dhe të Rënda – Njësia për Korrupsion, në Prokurorinë Themelore Publike Kumanovë, ka dorëzuar kallëzim penal kundër F.N nga Kumanova, për shkak të ekzistimit të dyshimeve të bazuara se ka kryer veprën penale “falsifikim të dokumenteve”.
“I kallëzuari F.N, pronar dhe menaxher i një kompanie për tregti dhe turizëm nga Kumanova, gjatë muajit qershor 2024 ka bërë një dokument të rremë – Ekstrakt nga licenca për kryerjen e transportit ndërkombëtar të udhëtarëve për nevoja të veta në të cilën ka vendosur të dhëna të rreme. Licenca për transport ndërkombëtar i ka skaduar më 24 qershor 2024, dhe për të mos humbur turneun e planifikuar në linjën Shkup – Kushadaci, ai ka ndryshuar vitin e vlefshmërisë së Ekstraktit të Licencës nga 2024 në 2025 në kompjuter dhe e ka futur në dokumentacionin e autobusit”.
“Më 26 korrik 2024, në vendkalimin kufitar Deve Bair, drejtuesi i mjetit ka paraqitur patentën për këqyrje dhe nga punonjësit e policisë është konstatuar se ajo ishte e falsifikuar”, thonë nga MPB.
Kallëzim penal ndaj një personi nga Kumanova, falsifikoi licencën për transport ndërkombëtar me autobus appeared first on Telegrafi.
