Në hyrjen e fshatit Glloboçicë të Strugës sot rreth mesditës është gjetur trupi i pajetë i 60-vjeçarit strugan, i cili para dy ditësh ishte shpallur i zhdukur, ka konfirmuar për AIM, zëdhënësi i SPB Ohrit, Stefan Dimoski.
Sipas tij, trupi i pajetë i K.M. nuk ka pasur shenja dhune, ndërsa vdekja është konfirmuar nga ekipi mjekësor.
Një ekip policor ka inspektuar vendin në prani të prokurorit publik. Trupi i pajetë i të ndjerit është dorëzuar për obduksion.
Personi është raportuar i zhdukur të hënën në orët e vona të pasdites në zonën e fshatit Bërçevë, ku po mblidhte frutat e pyllit dhe nuk është kthyer në shtëpinë e tij të fundjavës dhe nuk ka mundur të vendoset komunikimi telefonik.
Një ekip policor, Shërbimi i Shpëtimit Malor pranë Kryqit të Kuq të Ohrit dhe popullata lokale ishin në kërkim të tij.
Gjendet i pajetë trupi i personit që kërkohej për dy ditë në Strugë appeared first on Telegrafi.
