Efektet direkte nga tarifat e vendosura të SHBA-së ndaj Maqedonisë së Veriut do të jenë shumë të vogla. Efektet do të jenë indirekte dhe negative, por nuk do të ndjehen menjëherë, tregon analiza e “Finance Think”.
“Tregtia jonë me SHBA-në është e kufizuar, kryesisht për shkak të distancës gjeografike. Në vitin 2024, eksporti në SHBA si pjesë e eksportit të përgjithshëm ishte 1.4% që është pjesë shumë e vogël. Nga ajo pikëpamje, efektet direkte nga tarifat e rritura do të jenë shumë të vogla”, vlerëson “Finance Think”.
Nga atje besojnë se shtypje nga tarifat amerikane do të ndjejnë para se gjithash kompanitë e huaja të cilat veprojnë në vend sepse afër 90 për qind e eksportit ndaj SHBA-së në vitin 2024 ishte koncentruar në 20-të produkte, me ç’rast përveç autobusëve të cilat kanë pjesëmarrje dominuese, edhe disa produkte lidhen me punën e fabrikave të huaja të ZZHIT.
“Megjithatë, fabrikat e huaja në ZZHIT janë ekspozuar në efekt indirekt më të rëndësishëm. Ato janë pjesë e zinxhirëve global të furnizimit, që nënkupton se ato eksportojnë ndaj kompanisë së tyre amë e cila nuk është në SHBA, më tutje kompania amë mund të ekspozohet ndaj tregut amerikan. Tarifat do të ndikojnë ndaj shpenzimeve të përgjithshme të kompanisë amë, që reflektohet edhe tek ne, në skenarë negativë përmes të a.q. efekte kaskadë të reduktimit të ulur dhe vendeve të punës”, nënvizojnë nga “Finance Think”.
Vlerësohet se rënia e ekonomisë gjermane do të jetë më e fortë se rënia mesatare në nivel të Bashkimit Evropian, që gjithsesi do të reflektohet edhe ndaj ekonomisë së Maqedonisë e cila varet lartë nga tregtia me Gjermaninë.
Pasojat më të rëndësishme, sipas “Finance Think”, do të ndjehen në industrinë automobilistike, veçanërisht për automjetet elektrike (EVs), që është gjithashtu e rëndësishme për vendet si vendi ynë të cilat janë të përfshirë në zixhirët automobilistik të furnizimit.
“Finance Think”: Efektet direkte nga tarifat e SHBA-së janë shumë të vogla për ekonominë e Maqedonisë, shtypje do të ndjejnë kompanitë e huaja të cilat veprojnë në vend appeared first on Telegrafi.
