Kryetari i LSDM-së, Venko Filipçe sot përmes një konference për shtyp ka bërë thirrje për vendosjen e një dialogu të ri shoqëror dhe politik, përcjell Telegrafi Maqedoni.
“Bëjë thirrje për një një formë të dialogut politik dhe shoqëror, që do të mundësojë përcaktimin e një strategjie afatgjatë për zhvillimin e vendit. Është e nevojshme të ndërtohet një sistem që do të funksionojë në dekadat e ardhshme, pavarësisht se cila parti është në pushtet, me udhëzime të qarta në fushat kyçe të jetës shoqërore”, tha Filipçe.
Ai theksoi se nevojiten reforma thelbësore në drejtësi, dhe miratimin e agjendës refomruese me konsensus të gjerë.
“Ajo që i acaron më së shumti qytetarët është partishmëria dhe politizimi. Duhet t’i lirojmë institucionet nga kthetrat e politikës dhe partive, që të rinjtë të kenë një sistem vërtet të mirë, konkurrues dhe kështu të mund të punësohen dhe të avancohen. Vetëm në këtë mënyrë mund ta ngremë ekspertizën në nivelin e duhur dhe të merituar”, theksoi kryetari i LSDM-së.
Filipçe poashtu theksoi nevojën e zbatimit të reformave thelbësore në shëndetësi dhe arsim.
Ai theksoi se është e nevojshme që liderët politikë të bien dakord jo vetëm për temat që do të diskutohen, por edhe për mënyrën se si do të zbatohet ky proces, i cili deri më tani nuk ka qenë pjesë e praktikës politike në vend.
Filipçe paralajmëroi se së shpejti do të kërkojë takim me kryeministrin Hristijan Mickoskin me qëllim hapjen e procesit të dialogut për çështjet kyçe strategjike për vendin./Telegrafi/
Filipçe: Nevojitet dialogu i ri shoqëror dhe politik për të ardhmen e vendit, do të kërkojë takim me Mickoskin appeared first on Telegrafi.
