Ministri i Ekonomisë dhe Punës, Besar Durimishi informoi për të gjitha kompetencat që ka Ministria e Ekonomisë dhe Punës në lëshimin e licencave, si dhe për masat dhe zgjidhjet ligjore që do të ndërmerren dhe që janë në kompetencë të ME-së.
Në pjesën e lëshimit të licencave, sipas Ligjit për Veprimtarinë Hotelierike, për të funksionuar si klub nate, kabare, disko-klub apo disko-klub në hapësirë të hapur, është e detyrueshme të posedohet licencë valide. Këtë licencë e lëshon Ministria e Ekonomisë dhe Punës pas paraqitjes së kërkesës për lëshimin e licencës, në formularin për pagesën e tarifës për shërbime.
“Aplikacioni për përmbushjen e kushteve minimale teknike për zhvillimin e veprimtarisë hotelierike kopje, këtu tek ky nen, në të cilin duhet të aplikohet për përmbushjen e kushteve minimale teknike, në vitin 2008, me aq sa jam i informuar, është bërë ndryshim i ligjit, për të arritur që të ketë një klimë të biznesit më të përshtatshme dhe ta arrijnë palët sa më shpejtë në dokumentacionin e duhur, por siç shihet është keqpërdorur.
Para viti 2008, para se të sillet ky ligj në fuqi, është dashur që Inspektorati Shtetëror i Tregut të dalë në terren dhe të sjellë një aktvendim, të cilin vendim e dorëzon në Ministrinë e Ekonomisë dhe Punës, dhe në atë dokument të bazuar më pastaj Ministria e Ekonomisë lëshon licencën”, tha Durmishi.
Durmishi: Ministria e Ekonomisë nuk është kompetente për inspektim në objektet për kabare e disko appeared first on Telegrafi.
