Zv. kryeministri për Çështje Ekonomike, Fatmir Bytyqi njofton se sot se Qeveria në seancën e sotme ka marrë vendim që dokumentet e udhëtimit, të cilat përndryshe kushtojnë 30 euro, do të jenë pa pagesë për të gjithë shtetasit e Maqedonisë që janë jashtë vendit dhe nuk kanë arritur t’i ndryshojnë pasaportat në mënyrë që të ktheheni, përcjell Telegrafi Maqedoni.
“Ministrinë e Jashtme është e angazhuar të ndërmarrë aktivitete për lëshimin e dokumenteve të udhëtimit për të gjithë ata që janë jashtë vendit, që të jetë falas. Po ashtu, Ministria e Punëve të Jashtme është përgjegjëse që aty ku nuk ka përfaqësi diplomatike-konsullore të ndërmarrë veprimet e duhura, të dërgojë dokumentet e udhëtimit me postë dhe ta bëjë online që qytetarët të mos kenë shpenzime shtesë”, tha Bytyqi.
Bytyqi gjithashtu njoftoin se vendimi i dytë është që lejet e shoferit me emrin e ri kushtetues që do të lëshohen deri në fund të vitit do të jenë falas për qytetarët.
“Ministria e Punëve të Brendshme është përgjegjëse që të gjitha lejet për shoferë dhe librezat të jenë pa pagesë”, theksoi ai./Telegrafi/
Bytyqi: Qeveria ka marrë vendim që lejet e shoferëve dhe dokumentet e udhëtimit të jenë pa pagesë appeared first on Telegrafi.
