Ministria e Energjisë, Minierave dhe Burimeve Minerale, në bashkëpunim me Bankën Evropiane për Rindërtim dhe Zhvillim (BERZH), ka nisur procesin e prezantimit të mekanizmit të Kontratës për Diferencë ( Contrakt- for-Diferenc CfD) si një model i ri për mbështetjen e investimeve në burimet e rinovueshme të energjisë.
Modeli CfD, tashmë i provuar në të gjithë BE-në, do të përshpejtojë investimet në kapacitetin e energjisë së rinovueshme duke mbrojtur konsumatorët nga paqëndrueshmëria e tregut, thuhet në njoftim e Ministrisë.
Në takimin e sotëm, ministrja Sanja Bozhinovska theksoi se CfD nuk është thjesht një instrument financiar, por një ndryshim sistematik që siguron stabilitet për investitorët dhe mbrojtje për konsumatorët.
“Me këtë reformë, ne po vendosim kushte të parashikueshme dhe të qëndrueshme për investime në kapacitetin diellor dhe të erës, duke përshpejtuar objektivin tonë ambicioz prej 1.7 GW energji të rinovueshme deri në vitin 2030. Mekanizmi CfD krijon siguri, kosto më të ulëta dhe një treg konkurrues, i cili është çelësi për një tranzicion të përshpejtuar drejt energjisë së pastër”, theksoi ministrja Bozhinovska.
Me mbështetjen e BERZH-it dhe ekspertizën e partnerëve ndërkombëtarë, Maqedonia do ta përshtatë këtë mekanizëm me tregun lokal të energjisë, duke hapur mundësi të reja për investitorët. Pritshmëria është se kjo do të çojë në zhvillim të përshpejtuar të burimeve të rinovueshme dhe çmime të qëndrueshme afatgjata për konsumatorët./Telegrafi/
Bozhinovska: Investimet e qëndrueshme në burimet e rinovueshme, kanë filluar përgatitjet për futjen e mekanizmit CfD në Maqedoni appeared first on Telegrafi.