
Policia ka arrestuar në Pejë tre persona të cilët dyshohen për veprat penale – sulm ndaj personit zyrtar, dhe – pengimi i personit zyrtar gjatë kryerjes së detyrës zyrtare.
Gjatë patrullimit në rrugën “Selman Lajqi” nё Pejё Policia ka vërejtur personin e dyshuar, i cili ishte i kërkuar nё bazё tё urdhëresës sё Gjykatës sё Pejёs.
I dyshuari me inciale A.A. pasi është arrestuar nga Policia ka tentuar të ikë me ndihmën e dy personave të tjerë, duke lënduar një polic, siç thuhet në komunikatën e Policisë së Kosovës.
“I dyshuari A.A. i lindur nё vitin 2000, nё Pejё, ёshtё arrestuar nga Policia, dhe pas arrestimit i njëjti ka tentuar tё largohet, i ndihmuar edhe nga dy (2) persona tё tjerё, duke lёnduar njё (1) Zyrtar Policor” – thuhet në njoftim.
Më pas zyrtari policor është dërguar në Spitalin Rajonal nё Pejë, pasiqё sipas mjekut kishte pësuar lëndime tё rënda trupore, dhe i njëjti ёshtё ndaluar nё repartin përkatës pёr tretman tё mëtutjeshëm mjekësor.
Me vendim të prokurorit tre të dyshuarit janë dërguar në mbajtje për 48 orë.
Arrestohen tre persona në Pejë, njëri i shkaktoi lëndime të rënda policit teksa tentoi të ikte pas arrestimit appeared first on Telegrafi.