![25-vjeçari viktim e një aksidenti, inspektorati i punës ndalon punën 25-vjeçari viktim e një aksidenti, inspektorati i punës ndalon punën](https://geology.com/world/macedonia-map.gif)
Në këtë vend ku po ndërtohet, një 25 vjeçar pësoi aksident dhe si pasojë e lëndimeve të rënda humbi jetën. Ngjarja ka ndodhur në Karposh të Shkupit, ndërsa për rastin në fjalë ka informuar MPB-ja. Për vdekjen e të riut informuan edhe nga spitali i përgjithshëm i qytetit “Shën Naumi I Ohrit”.
“Ky është vendi në të cilin dje ka humbur jetën 25 vjeçari nga lëndimet që i mori gjatë kryerjes së detyrave të punës.”
Nga Inspektorati Shtetëror i Punës njoftojnë se pas kontrollit në vendin e ngjarjes është konstatuar se punëdhënësi nuk ka marrë masat e duhura për sigurinë e punëtorit.
“Nga Inspektorati Shtetëror i Punës është bërë inspektimi i jashtëzakonshëm dhe u konstatua se punëdhënësi nuk ka marrë masat në fushën e sigurisë dhe shëndetin në punë, të cilat e vënë punëtorin në rrezik, të menjëhershëm gjatë kryerjes së detyrave te punës – punime betoni armature në murin e garazhit nëntokësor.
Për shkak të ekzistencës së një rreziku të menjëhershëm për jetën dhe shëndetin e punonjësve të shtetit inspektorati i punës ka nxjerrë vendim me të cilin ndalohet puna në kantier.”- thanë Inspektorati Shtetëror i Punës.
Inspektorati bënë të ditur se mbikëqyrja inspektuese do të vazhdojë edhe ditët në vijim me inspektimin e dokumentacionit të dorëzuar nga punëdhënësi, e cila do të pasohet me konstatimin e gjendjes së plotë faktike dhe marrjen e masave të duhura sipas rregulloreve ligjore.
Përveç kësaj kontaktuam edhe investitorin “Kapitoll” që po bën punimet, se a ka pasur veshje mbrojtëse personi që humbi jetën, por nga atje nuk morëm përgjigje. Sipas statistikave të Inspektoratit Shtetëror të Punës në vitin 2023, 17 persona humbën jetën në vendin e punës, dhe 12 të tjerë në vitin 2022.
25-vjeçari viktim e një aksidenti, inspektorati i punës ndalon punën appeared first on Telegrafi.