Kryeministri i Kosovës Albin Kurti priti ditën e sotme në një takim Presidentin e Republikës së Shqipërisë Bajram Begaj.
Gjatë takimit mes tyre kryeminsitri Kurti ka vlerësuar rolin dhe ndihmën e madhe që Shqipëria i ka dhënë Kosovës, ndërsa ka theksuar se Presidenti Begaj është i mirëpritur në çdo kohë në Kosovë.
Ndërkohë Kurti theksoi se Presidenti Begaj i cili më herët ka qenë ushtarak, e di fare mirë rëndësinë e 12 qershorit.
“I jemi mirënjohës Shqipërisë, për kontributin para luftës, gjatë dhe pas luftës. Presidenti i Shqipërisë Bajram Begaj, është gjithnjë i mirëseardhur. Duke qenë edhe ushtarak edhe mjek e di shumë mirë 12 qershorin 1999”, tha Kurti.
Ndërkohë Presidenti Begaj është shprehur se festa është e të dyja shteteve, derisa suksesi i Kosovës është edhe i vendit që ai udhëheq.
“Faleminderit Kosovës për mikpritjen. Sot është dita e rilindjes se Kosovës, e vënies në vend të asaj padrejtësie shekullore që u mundësua me gjakun me sakrificën e heronjve të UÇK-së dhe unë dua të përgëzoj Kosovën gjithë çka ka bërë deri me tani dhe çdo të bëj në të ardhmen për te ardhmen për të pasur një popull i cili do të ketë mirëqenie dhe prosperitet”, tha Begaj.
Presidenti shqiptar po qëndron në Kosovë për nder të 12 qershorit, ditës së çlirimit.
