Mjekët në Britani ia dolën me një terapi gjene pioniere për të rikthyer dëgjimin e një vajze të vogël që lindi plotësisht e shurdhër .
Opal Sandy 18-muajsh lindi me neuropati dëgjimore, e cila prishi lidhjen neurologjike të veshit me trurin, duke parandaluar çdo marrjen e zërit.
Megjithatë, ajo u bë pacientja e parë në botë që iu nënshtrua një lloji të ri operacioni , që zgjati vetëm 16 minuta, i cili pothuajse ia ktheu plotësisht dëgjimin në veshin e djathtë.
Besohet se përmirësimi i mëtejshëm është i mundur.
Operacioni u zhvillua në Spitalin Addenbrooke, Kembrixh, me mjekun kryesor, profesor Manohar Bantse, i cili deklaroi se gjërat shkuan më mirë nga sa priste. Ai i përshkroi rezultatet si ” spektakolare “.
Neuropatia dëgjimore shkaktohet nga një defekt në gjenin OTOF, i cili prodhon proteinën otoferrin, e cila nga ana tjetër lejon qelizat në vesh të komunikojnë me nervin që çon tingujt në tru.
The adorable moment deaf toddler Opal Sandy hears for the first time following a world first gene therapy trial.
Opal’s parents Jo and James say the moment was ‘mind blowing.’ pic.twitter.com/S1h5kJEVuz
— The Mirror (@DailyMirror) May 9, 2024
Operacioni, i kryer shtatorin e kaluar, konsiston thjesht në injektimin e një gjeni funksional në veshin e brendshëm të pacientit (koklea) nëpërmjet një kateteri. Ky është një trajtim i zhvilluar nga kompania e bioteknologjisë Regeneron.
Prindërit e Opalit të vogël vunë re shenja pozitive në katër javë, me përmirësimin e dëgjimit të vajzës së tyre qartësisht të dukshme 24 javë pas operacionit.
Jo dhe James Sandy, 33 vjeç, përshkruan habinë dhe emocionimin e tyre kur vajza e tyre iu përgjigj testeve të zërit pa ndihmën e një aparati dëgjimi të jashtëm.
Tani, thonë ata, Opalit i pëlqen të përplasë takëmet në tryezë dhe lodrat e saj dhe të shijojë tingujt e tyre./vizionplus.tv
