Në duart e Forcave të Mbrojtjes izraelite (IDF) janë 650 palestinezë, shumë prej të cilëve janë zyrtarë të lartë të organizatës terroriste sunite Hamas .
Siç raporton gazeta izraelite Jerusalem Post, arrestimi i tyre u bë në Spitalin Shifa , por regjimi i Tel Avivit nuk mund të zbulojë emrat e të arrestuarve pasi hetimet vazhdojnë, tha zëdhënësi i Forcave të Mbrojtjes të Izraelit, Daniel Hagari.
Gjatë operacionit katërditor të ushtrisë në spitalin Shifa, në veri të Gazës, Izraeli ka vrarë rreth 140 terroristë të Hamasit dhe Xhihadit Islamik dhe ka kapur rreth 650 terroristë, thuhet në raport.
Gjëja e çuditshme është, siç thekson ushtria izraelite, se të gjithë operativët e Xhihadit Islamik në zonë u dorëzuan shpejt, ndërsa forcat e Hamasit u ndanë në dy grupe. Grupi i madh iu dorëzua menjëherë izraelitëve, ndërsa tjetri vazhdoi të rezistonte duke luftuar kundër armikut.
Burimet e Forcave të Mbrojtjes të Izraelit (IDF) thanë se operacioni ishte planifikuar të paktën një muaj përpara.
Publikimi përkatës thotë se ushtria izraelite mund të ketë pritur qëllimisht momentin e duhur që të mbërrijnë më shumë terroristë të nivelit të lartë përpara se të sulmojnë, siç komenton Jerusalem Post./vizionplus.tv/
