Nëntë persona janë arrestuar në Mal të Zi, pasi ishin të dyshuar për kontrabandën e rreth 2,5 ton kokaine nga Amerika e Jugut për në Evropë dhe Australi në tetor 2020 dhe qershor 2021, ndërsa gjashtë të dyshuar të tjerë janë ende në kërkim.
Prokuroria e Posaçme e Malit të Zi njoftoi se dyshohet që V.U. dhe R.Z. ishin organizatorët e kontrabandës së 1570 kilogramëve kokainë me anije nga Amerika e Jugut në Evropë dhe Australi në tetor të viti 2020, si dhe 900 kilogramë në qershor të vitit 2021.
“Provat e mbledhura tregojnë se gjatë viteve 2020 dhe 2021, anëtarët e këtij grupi kriminal kanë trafikuar gjithsej 2,47 ton kokainë nga Amerika e Jugut drejt Evropës dhe Australisë”, thuhet në njoftimin e organeve të rendit.
Nëntë të dyshuarit njiheshin tashmë nga autoritetet, pasi ishin paraqitur në një sërë hetimesh të mëparshme për trafikun e drogës./vizionplus.tv
