Britani e Madhe- Georgo Asllani, një 59-vjeçar shqiptar, është dënuar me 13 vjet burgim pas një incidenti të rëndë me armë zjarri që ndodhi në Waltham Cross, Hertfordshire, në qershor 2022.
Asllani u dënua për shkaktim të lëndimit të rëndë me dashje dhe posedim të një armë zjarri pasi sulmoi nipin e ish-gruas së tij. Ngjarja ndodhi pas mosmarrëveshjeje të gjata familjare për pronat në Shqipëri.
Sfondi i Konfliktit
Incidenti, i rrënjosur në një mosmarrëveshje të thellë pronësore në Shqipëri dhe i nxitur më tej nga ndarja e ashpër e Asllanit nga ish-gruaja e tij, u përshkallëzua në dhunë në Mbretërinë e Bashkuar.
Sulmi ndodhi ndërsa nipi i ish-gruas dhe vëllai i tij po punonin në një shtëpi në Trinity Lane.
Asllani ka qëlluar dy herë drejt tij.
Menjëherë kanë ndërhyrë personat e pranishëm në vendin e ngjarjes, deri në mbërritjen e policisë.
Mbrojtja dhe dënimi i Asllanit
Në gjykatë, Asllani pretendoi se ishte nën kërcënimin e mafias dhe vepronte me urdhër të një individi të njohur si Komandanti.
Pavarësisht pohimeve të tij, Gjykata e shpalli fajtor. /vizionplus.tv
