Rusia e ka vendosur presidentin ukrainas Volodymyr Zelensky në listën e të kërkuarve pa shpjeguar arsyet, njoftoi uebfaqja e Ministrisë së Brendshme.
Zelensky kërkohet “në bazë të një neni të kodit penal”, thuhet në këtë tekst lakonik, i cili nuk specifikon asgjë në lidhje me akuzat ndaj presidentit ukrainas.
Një ditë pas pushtimit rus të Ukrainës në shkurt 2022, presidenti rus Vladimir Putin i kishte bërë thirrje ushtrisë ukrainase që të largonte Zelenskyn.
Në listën e të kërkuarve nga autoritetet ruse ka shumë rusë dhe të huaj, kryesisht ukrainas. Në shkurt, emrat e kryeministrit të Estonisë Kaya Kalas, ministrit të kulturës të Lituanisë dhe ish-deputetëve letonez iu shtuan asaj për shkatërrimin e monumenteve të epokës sovjetike.
Një urdhër-arresti është lëshuar edhe kundër prokurorit të Gjykatës Penale Ndërkombëtare, i cili vitin e kaluar lëshoi një urdhër arresti për Putinin, duke e akuzuar atë për krime lufte. /vizionplus.tv
