Zëdhënësja e Ministrisë së Jashtme ruse Maria Zakharova tha sot se ambasadorët perëndimorë në Moskë po ndërhyjnë në punët e brendshme të Rusisë dhe se sjellja e tyre ngre pyetje në lidhje me aktivitetin e tyre në Rusi, raportoi agjencia e lajmeve TASS.
Ministri i Jashtëm rus Sergei Lavrov tha dje, të hënën, se ambasadorët e BE-së refuzuan ta takonin për një diskutim përpara zgjedhjeve presidenciale ruse.
Zëdhënësja e Ministrisë së Jashtme ruse tha gjithashtu se gazetarët gjermanë duhet të largohen nga Rusia nëse Berlini merr masa kundër gazetarëve rusë në Gjermani, njoftoi agjencia e lajmeve RIA. /vizionplus.tv
