Grupi i dyshuar për vrasjen e një reporteri krimi në Holandë në vitin 2021 gjithashtu donte të rrëmbente kryeministrin holandez Mark Rutte, sipas një dëshmitari në këtë rast.
Dëshmitarit të mbrojtur, i njohur për prokurorët holandezë vetëm si “5089”, iu tha nga një i dyshuar kryesor se grupi ishte aq i fuqishëm, sa “ata madje dëshironin të rrëmbenin kryeministrin”, tha një zëdhënës i Shërbimit të Prokurorisë Publike Hollandeze në Amsterdam për CNN.
Peter R. de Vries, një gazetar holandez i vlerësuar me çmime, u qëllua për vdekje në një rrugë të frekuentuar në qendër të Amsterdamit në korrik 2021.
Gazetari u qëllua menjëherë pas daljes nga studiot e RTL TV, ku shfaqej shpesh në transmetim si ekspert kriminal. Ai vdiq në spital nëntë ditë më vonë.
![Plan për rrëmbimin e kryeministrit holandez nga grupi që vrau gazetarin e krimit, çfarë thonë dëshmitë Plan për rrëmbimin e kryeministrit holandez nga grupi që vrau gazetarin e krimit, çfarë thonë dëshmitë](https://www.vizionplus.tv/wp-content/uploads/2024/01/240119150629-02-peter-r-de-vries-mark-rutte-601x400.webp)
Gazeta Het Parool me bazë në Amsterdam ishte e para që raportoi mbi komentet e dëshmitarit në lidhje me kërcënimin e mundshëm ndaj kryeministrit Rutte.
Dëshmitarit iu tha informacioni nga një 28-vjeçar i njohur si “Krystian M.”, i cili dyshohet se ka koordinuar sulmin fatal kundër de Vries dhe ka drejtuar autorët e tjerë, tha prokuroria.
Dëshmitari i mbrojtur i bëri komentet gjatë një marrje në pyetje nga gjyqtari hetues në dhjetor 2022, sipas prokurorisë.
De Vries ishte i njohur për punën e tij hetimore duke ekspozuar botën e krimit. Ai kishte marrë rregullisht kërcënime me vdekje në lidhje me disa raste.
Në tetor 2021, dega e CNN RTL Netherlands raportoi se policia holandeze rriti sigurinë e Rutte për shkak të frikës se ai mund të vihej në shënjestër për rrëmbim ose një sulm nga bandat e drogës, sipas raporteve të mediave lokale./vizionplus.tv