Më shumë se një mijë traktorë kanë bllokuar sot rrugët në Bruksel rreth vendit ku po zhvillohet aktualisht samiti i BE, duke bërë të qartë se zemërimi i fermerëve në Evropë nuk po shuhet, pavarësisht lëshimeve të Komisionit.
Demonstruesit i vunë flakën paletave dhe brohoritën parulla, ndërsa u shkaktuan edhe tensione të vogla me forcat e forta policore që janë vendosur në zonë.
Edhe pse zemërimi i botës bujqësore nuk është në “menunë” zyrtare të diskutimeve në samitin e Brukselit, rreshtimi i traktorëve nisi mbrëmë dhe kulmoi sot.
Belgian farmers protest as EU leaders gather for summit in Brusselshttps://t.co/HHYoOTtk6X
— The Uncrowned Queen (@FrancineKetelaa) February 1, 2024
Informacionet më të reja tregojnë megjithatë se numri i traktorëve tani është afër 1300, ndërkohë që flitet për praninë e demonstruesve nga vende të tjera, si Italia dhe Franca.
Siç shihet në video dhe foto në rrjetet sociale, protestuesit kanë ndezur zjarr në rrugët përreth godinës ku po mblidhen liderët e BE.
Une statue du monument à John Cockerill démontée sur la place du Luxembourg
https://t.co/vbKhw85z7M#Agriculteurs #Bruxelles #PlaceLuxembourg https://t.co/WCFXRBQYDA pic.twitter.com/9V3c1ehQ8i
— L’Echo (@lecho) February 1, 2024
Edhe pse ishin zotuar se demonstratat e tyre do të ishin paqësore në Bruksel, disa protestues filluan të enjten në mëngjes të gjuanin me gurë dhe vezë ndaj policisë, e cila i hodhi ujë. /vizionplus.tv
