Ministrat e Jashtëm të Bashkimit Evropian do të mbajnë një takim urgjent të martën, në sfondin e krizës në Lindjen e Mesme pas hakmarrjes së Iranit kundër Izraelit.
“Qëllimi ynë është të kontribuojmë në de-përshkallëzimin e situatës dhe sigurinë e rajonit”, tha shefi i politikës së jashtme të BE-së në një postim në X (ish-Twitter).
Në një postim tjetër në X, Borrell dënoi me forcë sulmin e papranueshëm të nisur nga Irani kundër Izraelit.
“Është një përshkallëzim i paprecedentë dhe një kërcënim serioz për sigurinë rajonale”, shtoi ai.
Duhet theksuar se ky është sulmi i parë direkt i kryer nga Irani ndaj Izraelit. Një sulm i kryer si hakmarrje për vrasjen e oficerëve të lartë iranianë në Siri në një sulm ajror izraelit në prill. /vizionplus.tv
