Të paktën 12 fëmijë dhe të rinj u vranë të shtunën kur raketa të shumta goditën një fshat në Lartësitë e Golanit të kontrolluara nga Izraeli, thanë zyrtarët izraelitë, në një sulm që ngriti frikën për një përshkallëzim të madh në konfliktin afatgjatë.
Izraeli u përgjigj të shtunën gjatë natës duke goditur objektet e Hezbollahut, ndonëse këto të fundit nuk kanë pranuar autorësinë e sulmit.
Frika nga përshkallëzimi i situatës
Shtetet e Bashkuara, të cilat po udhëheqin përpjekjet diplomatike për të de-përshkallëzuar konfliktin në kufirin libanez-izraelit (dhe armatosjen e Izraelit), e dënuan sulmin dhe e konsideruan të tmerrshëm, por nuk fajësuan drejtpërdrejt Hezbollahun.
Deklarata e Shtëpisë së Bardhë tha se mbështetja e SHBA për sigurinë e Izraelit është e palëkundur dhe se do të vazhdojë të mbështesë përpjekjet për t’i dhënë fund sulmeve përgjatë Linjës Blu, e cila duhet të jetë një përparësi kryesore. Linja Blu i referohet kufirit midis Libanit dhe Izraelit, i monitoruar nga misioni paqeruajtës i OKB-së i njohur si Unifil.
Koordinatorja e posaçme e OKB-së për Libanin Jeanine Hennis-Plasschaert dhe komandanti i Forcave Unifil, Gjeneral-Lant Aroldo Lázaro paralajmëruan se intensifikimi i mëtejshëm i sulmeve “mund të ndezë një zjarr që do ta zhyste të gjithë rajonin në një katastrofë përtej imagjinatës”. Ata kërkuan përmbajtje maksimale nga të gjitha palët, duke shtuar se ata janë në kontakt si me Izraelin ashtu edhe me Libanin./vizionplus.tv
NEW – multiple #Israel airstrikes reported across southern #Lebanon tonight, in Abbasiyah, Khiyam, Kafr Kila, al-Kafrah, Teir Harfa & Kafra.
Most conducted by fighter jets, not drones. pic.twitter.com/KtMCb920Dg
— Charles Lister (@Charles_Lister) July 28, 2024
