Ushtria ruse thotë se ka pushtuar një qytet të vogël në Ukrainën lindore të quajtur Niu-York, në rajonin e Donetskut.
Ushtria e Ukrainës nuk e ka konfirmuar humbjen e Niu-York, duke thënë vetëm se forcat ruse po sulmojnë afër qytetit dhe zonave të tjera.
Edhe pse vetëm një vendbanim i vogël, kontrolli i Niu-York do të përfaqësonte një hap tjetër drejt dy qendrave të Donetskut, Toretsk dhe Pokrovsk.
Presidenti Volodymyr Zelensky e përshkroi situatën në lindje si të vështirë, por tha se trupat ukrainase po bënin gjithçka që mundeshin për të shkatërruar forcat ruse. Shefi ushtarak tha në një konferencë se Rusia po dërgonte trupa shtesë në vijën e frontit në lindje.
Niu-York është në jug të qytetit minerar Toretsk dhe forcat ruse të hënën thanë se kishin kapur edhe Zalizne, në juglindje të Toretsk.
Forcat ukrainase thanë se ishin ende duke luftuar në Zalizne dhe burimet lokale thanë se ata ende kishin kontrollin e 20% të Niu-York gjithashtu, megjithëse kishin shumë më pak rezerva se rusët.
Të hënën, autoritetet ukrainase urdhëruan evakuimin e Pokrovsk, ndërsa forcat ruse vazhdojnë të përparojnë në qytet.
