![Banorët në Gaza 6 ditë pa lidhje telefonike dhe internet, ndërprerja më e gjatë nga fillimi i luftës Banorët në Gaza 6 ditë pa lidhje telefonike dhe internet, ndërprerja më e gjatë nga fillimi i luftës](https://www.vizionplus.tv/wp-content/uploads/2024/01/gqaza.png)
Rripi i Gazës ka hyrë sot në ditën e gjashtë të ndërprerjeve pothuajse të plota të internetit dhe telefonave, kohëzgjatja më e gjatë që nga fillimi i luftës, sipas NetBlocks, mbikëqyrësi i rrjetit botëror të telekomunikacionit.
Matjet e NetBlocks tregojnë se territoret palestineze janë përballur me një ndërprerje pothuajse të plotë të telekomunikacionit për 120 orë, tha organizata në faqen e rrjetit social X (ish Twitter).
Kjo ndërprerje, që tani hyn në ditën e gjashtë, është ndërprerja më e gjatë e vazhdueshme e telekomunikacionit e regjistruar ndonjëherë që nga fillimi i luftës midis Izraelit dhe Hamasit, sipas të njëjtit burim.
Komunikimet janë ndërprerë disa herë që nga 7 tetori, kur Izraeli filloi të kryente sulme të rënda kundër enklavës palestineze të kontrolluar nga grupi islamik palestinez. Këto sulme i privojnë 2.4 milionë banorët e saj nga kontakti me pjesën tjetër të botës. /vizionplus.tv