![Arabia Saudite dënon “masakrat gjenocidale” të njëpasnjëshme të Izraelit në Gaza Arabia Saudite dënon “masakrat gjenocidale” të njëpasnjëshme të Izraelit në Gaza](https://www.vizionplus.tv/wp-content/uploads/2024/05/gaza_kid-712x400.jpg)
Diplomacia e Arabisë Saudite dënoi në orët e para të ditës së sotme bombardimet e përsëritura ajrore izraelite në Rafah, në jug të Rripit të Gazës.
Në një njoftim për shtyp të Ministrisë së Punëve të Jashtme të bërë publike në Riad, thuhet se Arabia Saudite “dënon dhe denoncon masakrat e vazhdueshme gjenocidale të kryera nga forcat pushtuese izraelite kundër popullit palestinez në Rafah.”
Arabia Saudite e bën Izraelin “absolutisht përgjegjës për atë që po ndodh në Rafah dhe të gjitha territoret e pushtuara palestineze” dhe dënon “shkeljet e vazhdueshme flagrante të të gjitha vendimeve, ligjeve dhe normave ndërkombëtare humanitare”.
Ai kërkon që komuniteti ndërkombëtar “të marrë përsipër përgjegjësitë e tij”, të cilat, sipas diplomacisë saudite, tani janë më të nevojshme “se kurrë”./vizionplus.tv