Ka ndërruar jetë në spital, polici që u sulmua me thikë të premten e kaluar në Gjermani.
Tre ditë më parë qyteti i Manhajm në Gjermani u trondit kur një person sulmoi me thikë policin 29-vjeçar dhe gjashtë persona të tjerë.
Autori u arrestua menjëherë nga autoritetet.
“Lajmi për vdekjen më ka tronditur deri në palcë”, tha lideri i landit Baden-Vyrtemberg, ku ndodhet qyteti Manhajm.
Sulmi tregon “rrezikun – shpesh të pallogaritshëm – me të cilin përballen oficerët e policisë çdo ditë”, tha Winfried Kretschmann.
Sulmuesi i dyshuar, që besohet të jetë një afgan 25-vjeçar, i cili ka arritur në Gjermani në vitin 2014, është qëlluar dhe plagosur nga policia në vendngjarje. Sipas policisë, motivi i tij mbetet i paqartë./vizionplus.tv/
