Dyzet persona u arrestuan mbrëmjen e së martës në Londër pas incidenteve që ndodhën sapo përfundoi një demonstratë në mbështetje të palestinezëve.
Sipas Scotland Yard, tre policë u plagosën gjatë incidenteve.
Megjithatë, shumica dërrmuese e qytetarëve që morën pjesë në demonstratën, e cila u organizua për të protestuar kundër bombardimeve izraelite të Rafahut, u shpërndanë pa incidente, shton policia.
A demonstration is taking place on Whitehall this evening, organised by a coalition including the Palestine Solidarity Campaign and other groups.
Officers are in the area to ensure the demonstration takes place peacefully and to deal with any offences. pic.twitter.com/4hCnuRBOp9
— Westminster Police | Central West BCU (@MPSWestminster) May 28, 2024
Demonstruesit vlerësohet të kenë qenë deri në 10,000 njerëz.
Një kordon policie ishte vendosur për të frenuar demonstratën e palicensuar dhe më pas policia ndërhyri dhe bëri arrestime.
Gjithsej 40 persona u arrestuan, kryesisht sipas Ligjit për Rendin Publik, për pengim të trafikut dhe sulm ndaj personelit të urgjencës, tha policia.
Tre efektivë të policisë kanë mbetur të plagosur, dy prej tyre lehtë, ndërsa një polic ka mbetur i plagosur rëndë në fytyrë.
Protestat u zhvilluan gjithashtu në Paris, ku policia përdori gaz lotsjellës kundër njerëzve që demonstronin pa leje, në Portugali dhe në Meksikë, ku shpërthyen përleshjet midis protestuesve dhe policisë pranë ambasadës izraelite./vizionplus.tv
