Spektakli i famshëm televiziv Big Brother VIP Albania po përgatitet të përmbyllë sezonin e tretë me një mbrëmje finale këtë të shtunë.
Nuk do të mungojnë as ish-banorët e shtëpisë, të cilët janë ftuar për të ndarë përshtypjet dhe për të qenë pjesë e kësaj mbrëmjeje të veçantë.
Një prej figurave më të diskutuara të sezonit, Sara Gjordeni, ka konfirmuar pjesëmarrjen e saj në finale.
Përgjigjja erdhi pas një vale të madhe kureshtjeje nga ana e ndjekësve të saj në Instagram, të cilët ishin të etur të dinin nëse ajo do të ishte pjesë e mbrëmjes finale të spektaklit.
Përmes një postimi në rrjetin e saj social, Sara ka bërë me dije se jo vetëm që do të jetë e pranishme, por edhe që do të pozicionohet në rreshtin e parë të spektaklit.
Ish-banorja, e cila u bë qendër e vëmendjes gjatë qëndrimit të saj në shtëpi, është aktualisht në muajt më të bukur të pritjes së ëmbël.
Sara dhe partneri i saj, artisti nga Kumanova, Bardhi, po shijojnë këtë periudhë të lumtur në jetën e tyre.
A do të marrë pjesë në finalen e BBVA, Sara Gjordeni shuan kureshtjen / shkruan Gazeta Online Reporteri.net.
