IDF tha të mërkurën se gjithsej 14 ushtarë dhe 4 civilë u plagosën gjatë një sulmi të Hezbollahut me raketa antitank dhe një dron në një fshat në Izraelin verior pranë kufirit me Libanin.
Nga të plagosurit, 13 ishin rezervistë. Gjashtë nga të plagosurit – të gjithë rezervistë – janë në gjendje të rëndë dhe pjesa tjetër në gjendje më të lehtë.
Sipas informacioneve, një ndërtesë në fshatin Arab al-Aramse, ku ndodheshin ushtarët, është goditur. Edhe pse fshati është evakuuar, ai po përdoret nga forcat izraelite IDF.
Ushtria po heton pse sulmi nuk u kap, njoftuan mediat izraelite. Ndërkohë, Hezbollahu pretendon se ka goditur selinë e Divizionit 91 të IDF-së në Biranit, në veri të Izraelit. Kjo është njësia përgjegjëse për ruajtjen e kufirit me Libanin./vizionplus.tv/
