Janë penguar tentativat për kontrabandën e ikonave, cigareve, pajisjeve dentare, 100 kavanoza majoon dhe 5 kilogramë erëz shafran, çmimi i të cilave është 1500 euro për kilogram, të cilat në raste të ndryshme personat tentuan t’i fusnin ilegalisht në vend, njoftojnë nga Drejtoria Doganore.
“Në vendkalimin kufitar Bogorodicë, doganierët kanë parandaluar tentimin për import të paligjshëm të objekteve kishtare, ndër të cilat 51 ikona, shandan, byzylykë me rruaza, si dhe 260 kilogramë temjan në vlerë prej 140 mijë denarë për të cilat është shmangur pagesa e detyrimeve doganore prej 50 mijë denarë.Objektet e kishës u gjetën në një kamion me targa nga Bosnja dhe Hercegovina, i drejtuar nga një shtetas boshnjak, i cili po kalonte tranzit përmes vendit tonë nga Republika e Greqisë për në Republikën e Kroacisë dhe po transportonte pajisje sportive. Objektet e padeklaruara të kishës janë gjetur në hapësirën e ngarkesave të rimorkios në mesin e mallit të deklaruar”, njoftojnë nga Drejtoria e doganës.
Në rast tjetër në pikën kufitare Mexhitlija, doganierët kanë parandaluar dy tentativa të ndara për të importuar ilegalisht cigare të padeklaruara në vend.
Në të dyja rastet në dy kamionë me targa të Maqedonisë janë zbuluar gjithsej 28 paketa cigare.Të dy kamionët ishin të ngarkuar me gurë kuarci – mallra të destinuara për transit. Në të dyja rastet, paketat e cigareve u gjetën të fshehura në kabinat e shoferëve, në pjesën e sipërme të shtratit, të mbuluara me xhaketa dhe sende personale.
Në hyrje të Deve Bairit, gjatë kontrollit të një veture me targa të Kosovës, në bagazhin e automjetit janë zbuluar 100 kavanoza majun, të cilat pasagjerët nuk i kanë raportuar.
Gjatë kontrollit të një automjeti në njësinë doganore Dellçevë, janë gjetur edhe pajisje dentare, të cilat shoferi i ka fshehur në xhepat e xhaketës dhe në pjesën pas sediljeve të përparme, të cilat ishin të fshehura në qese të vogla dhe kuti të paketuara në qese letre me rroba.
Në një rast janë konfiskuar 5 kilogramë shafran i thatë i grimcuar “KIAM GOHAR”, të cilin doganierët e kanë zbuluar në hyrje të Tabanocit gjatë kontrollit të një automjeti mallrash me targa regjistrimi të Maqedonisë. Shafrani u zbulua rreth sediljeve të përparme, ku ishte fshehur në qese letre.
Malli në të gjitha rastet është sekuestruar dhe ndaj personave janë ngritur kallëzime përkatëse.
Drejtoria doganore: Parandaluam kontrabandën disa pajisjeve në vendkalimin kufitar Bogorodicë appeared first on Telegrafi.
