Është skandaloze dhe në të njëjtën kohë komike që Mickoski për “pesë minuta” i ka kontrolluar provat që LSDM-ja i ka paraqitur për Izet Mexhitin. Është më se e qartë se ai po e mbron Mexhitin dhe po mbyll sytë para dëshmive që i vërtetojnë qartë institucionet shtetërore, akuzojnë nga LSDM.
“Kjo vërteton qartë se Mickoski është peng i Izet Mexhitit dhe politikave të tij. Së pari, ai fshehu se Mexhiti kishte planifikuar 3.000 punësime partiake, ndërkohë që listat e të punësuarve tashmë po shpërndaheshin gjerësisht në rrjetet sociale. Tani ai po e fsheh dhe e mbron për një skandal dhe shkelje që u vërtetua me dokumente nga Inspektorati Administrativ Shtetëror.
Mickoski, i cili pretendoi se do t’i kërkojë llogari çdo zyrtari që ka gabuar, sot për të njëqindën herë e ka thyer këtë premtim. LSDM-ja i dha mundësinë të dëshmojë në veprim se është për sundim të ligjit dhe respektim të procedurave dhe të kërkojë llogari nga Izet Mexhiti, por ai vendosi ta mbrojë atë. Çfarë i detyrohej Mickoski, Mexhitit që të turpërohej kështu? Përballë dëshmive të qarta të siguruara nga Inspektorati Shtetëror Administrativ, Mickoski po mbyll një sy”, thonë nga partia opozitare.
Një fakt i pamohueshëm i vërtetuar nga një institucion shtetëror, siç thonë ata, është se Mexhiti ka tejkaluar autoritetin ligjor, duke firmosur personalisht të gjitha çështjet jashtë juridiksionit të tij./Telegrafi/
LSDM: Është skandaloze që Mickoski mbron Izet Mexhitin përballë fakteve të qarta appeared first on Telegrafi.