LSDM ka kërkuar nga kryeministri Hristijan Mickoski të përgjigjet nëse është e saktë se Inspektorati Shtetëror Administrativ ka konstatuar “keqpërdorim të detyrës zyrtare” nga ana e zëvendëskryeministrit Izet Mexhiti dhe Kabinetit të tij.
Sipas LSDM-së nuk është cështja nëse Mexhiti është përjashtuar nga kompetencat, por nëse në vendimin e Inspektoratit që mban datën 17 janar, është konstatuar keqpërdorimi i detyrës zyrtare.
“Kërkojmë që Vendimi i Inspektoratit menjëherë të bëhet publike. Opinioni duhet të ketë qasje në të gjitha detajet. Veçanërisht pasi sipas informacioneve që duhet të konfirmohen kjo masë është miratuar si rezultat i ankesave të mëdha dhe kallëzimeve nga qytetarë dhe kompani që janë shantazhuar dhe kushtëzuar. Këto janë indikacione serioze për korrupsion të madh në kreun e Qeverisë Mickoski. Sa kompanive të biznesit u është kërkuar rryshfet? A ka kërkuar Mexhiti rryshfet? Kush është dëmtuar? LSDM fton Antikorrupsionin dhe PTHP-në që të hapin lëndë dhe të inicojnë procedura adekuate. Është e qartë se nën mbulesën e patriotizmit të rrejshëm fshehet korrupsioni dhe keqpërdorimi i institucioneve shtetërore nga ana e OBRM-PDUKM-së dhe VLEN-it”, tha Metodija Ilievski nga LSDM.
LSDM: Mickoski të përgjigjet nëse Inspektorati Shtetëror Administrativ ka konstatuar keqpërdorim detyre nga Izet Mexhiti dhe kabineti i tij appeared first on Telegrafi.
