Guvernatori i një rajoni rus tha dje se ai urdhëroi rindërtimin e nëntë shtëpive në fshat që u bombarduan gabimisht nga një prej avionëve luftarakë rusë.
Incidenti ndodhi të martën dhe agjencia shtetërore e lajmeve RIA transmetoi një deklaratë të ministrisë së mbrojtjes duke thënë se kishte pasur një “lëshim anormal të municioneve ajrore” mbi fshatin Petropavlovka në rajonin jugor të Voronezh.
Guvernatori Aleksandar Gusev tha se nëntë shtëpi do të rindërtohen sa më shpejt që të jetë e mundur, dhe dëme u shkaktuan gjithashtu në një shkollë të vogël lokale, një qendër kulturore dhe një ndërtesë administrative.
Gusev tha se askush nuk është lënduar, por se katër persona kanë marrë lëndime të lehta dhe se ka mbështetje psikologjike për popullatën e fshatit. Gjithashtu janë shkatërruar pesë makina dhe një traktor, ndërsa pronarët do të dëmshpërblehen.
“Asnjë banor nuk do të mbetet pa ndihmë, ne do t’i përkrahim të gjithë me aq sa mundemi”, tha Gusev.
Autoritetet nuk kanë thënë se çfarë e shkaktoi incidentin. Ndonëse dëmet janë të kufizuara, incidenti është poshtërues për ushtrinë ruse dhe ka ndodhur në një kohë kur është shpallur gjendja e gatishmërisë në rajonet jugore pranë kufirit me Rusinë, thekson Reuters.
Gjatë festave, Rusia kreu disa nga sulmet më të fuqishme me raketa dhe dron në Ukrainë që nga fillimi i pushtimit në shkurt 2022. Të shtunën, sulmi më vdekjeprurës ndërkufitar i Ukrainës vrau 125 njerëz në Belgorod, afër kufirit, thanë zyrtarët. /vizionplus.tv
