Vizion Plus ka siguruar pamjet nga shpërthimi me tritol në banesën e një polici në Shkodër.
Ngjarja ndodhi rreth orës 03:10 të mëngjesit në lagjen “Tepe” të Shkodrës.
Mësohet se lënda plasëse ishte vendosur në derën e banesës private të shtetasit Vilson Zhuri, (oficer Policie).
Si pasojë ka vetëm dëme material, teksa menjëherë në vendngjarje kanë shkuar forcat e Policisë të cilat kontrolluan në zonë.
Ndërkohë, sipas burimeve nga grupi hetimor, mësohet se kanë qenë dy persona të maskuar me skafandër, të cilët kanë mbërritur në derën e banesës me një motor.
Pasi kanë vendosur lëndën plasëse, ata janë larguar me shpejtësi.
Zhuri, officer prej dy vitesh në zonën e Pultit në Dukagjin, ngjarjen e lidh me detyrën dhe ka deklaruar se nuk ka konflikte me njeri.
Në zonë muajt e fundit janë asgjësuar mijëra rrënjë kanabis dhe ky mund të ketë qenë një sinjal për policin. /vizionplus.tv
